Nike-მა ახალი, ანიმაციური სარეკლამო რგოლი გადაიღო, რომლის სიუჟეტშიც, მსოფლიოს საუკეთესო ფეხბურთელების მისია ფეხბურთის გადარჩენაა, რომელსაც გენიოსი მეცნიერი ემუქრება. საინტერესო სიუჟეტმა მთელი მსოფლიოს საფეხბურთო სამყაროს მოწონება დაიმსახურა.
მეცნიერი წლობით აანალიზებდა თამაშს. იგი უარყოფითად ეკიდებაკრიშტიანუ რონალდუს, ზლატან იბრაჰიმოვიჩისა და ნეიმარის სათამაშო სტილს, რომელიც რისკთანაა დაკავშირებული. მისმა გამოკვლევებმა უჩვენა, რომ ზლატანის აკრობატულ ნახტომში განხორციელებული დარტყმების 76% მიზანს ცდება. ამან მეცნიერი კლონების შექმნამდე მიიყვანა, რომლებიც ავტომატურად არიან დაპროგრამირებული რისკის გარეშე ქმედებაზე, მაქსიმალურად ეფექტიანი გადაწყვეტილების მიღებაზე და შედეგის მიღწევაზე.
სწორედ მსოფლიო ვარსკვლავების გუნდის მიზანია ფეხბურთის გადარჩენა და Nike-ს სლოგანის „Risk everything“-ის გამართლება. მოკლედ, ბევრი რომ აღარ ვისაუბროთ, გთავაზობთ სარეკლამო რგოლს და თავად განსაჯეთ რამდენად წარმატებული გამოვიდა იგი:
