ბრაზილიის ლეგენდარული ექს-ბომბარდირი რონალდო „ბარსელონასა" და არგენტინის ნაკრების ფორვარდის, ლიონელ მესის თამაშით აღფრთოვანებულია.

ლიონელს ხშირად აკრიტიკებენ სანაკრებო თამაშების გამო იმიზე ხაზგასმით, რომ სანამ ეროვნულ გუნდში არ მიაღწევს წარმატებას, სხვა ლეგენდების გვერდით ვერ დადგება.

„ის შეიძლება გახდეს მსოფლიო ჩემპიონი. მესის ხომ ჯერ არ დაუსრულებია კარიერა? ის ჯერ მხოლოდ 26 წლისაა.

უფრო მეტიც, ფეხბურთის ისტორიაში არიან ისეთი მოთამაშეები, რომლებსაც არ აუღიათ ეს ტიტული, მაგრამ მაინც დიადებად ითვლებიან. მე ვხედავდი მესის „ბარსელონაში", ჯერ კიდევ მაშინ, როცა ახალგაზრდა იყო. ხშირად ვსაუბრობდი მასზე რონალდინიოსთან, რომელიც ლიონელს მუდამ აქებდა. ამის მიზეზი მალევე გაირკვა.

მესი ნამდვილად არის უმაღლესი კლასის ფეხბურთელი. ოქროს ბურთის 4-ჯერ ზედიზედ მოგება, ძალიან რთულია", - განაცხადა რონალდომ.