1990 წლის მსოფლიო ჩემპიონმა მათეუსმა, მესუთ იოზილის ძირითად შემადგენლობაში ადგილს ეჭვის ქვეშ აყენებს.
გერმანიის ნაკრების 25 წლის ნახევარმცველი, გასულ ზაფხულს, 50 მილიონ ევროდ „რეალიდან" „არსენალში" გადავიდა, თუმცა საუკეთესო სეზონი ნამდვილად ვერ ჩაატარა. გერმანული ფეხბურთის ლეგენდან იოზილის თებერვლის თამაშები, „ბაიერნის" წინააღმდეგ, გააკრიტიკა.
„იოზილს არავითარი გარანტია არ აქვს ძირითად შემადგენლობაში მოხვედრასთან დაკავშირებით. ამ დროისათვის ბევრი კარგი შემსრულებელი გვყავს, ამიტომაც, მესუთს მოუწევს თავისი უპირატესობის დემონსტრირება. გასულ სეზონში მისი გამოსვლა დამაჯერებელი ნამდვილად არ იყო, მაშინ, როცა გულშემატკივარი იოზილისგან სულ უფრო მეტს ელის, ვიდრე სხვისგან, მაგრამ ვთვლი, რომ ახლა, მისი ადგილი ძირითადში ვაკანტურია", - განაცხადა ლოთარ მათეუსმა.
