მადრიდის „ატლეტიკოსა" და ესპანეთის ეროვნული ნაკრების ფორვარდი აღფრთოვანებული დარჩა მსოფლიო ჩემპიონატის მასპინძელთა დახვედრით.
შეგახსენებთ, რომ კოსტამ ამ სეზონის მიმდინარეობის დროს ბრაზილიური მოქალაქეობა ესპანურით შეიცვალა. ფეხბურთელის ამგვარი გადაწყვეტილება ბრაზილიაში მრავალნაირად აღიქვეს, ამიტომ მოსალოდნელი იყო, რომ დიეგოს „თბილი" შეხვედრა ელოდა.
თუმცა, კოსტამ, ისტორიულ სამშობლოში დაბრუნებისას, მასპინძელთა მეგობრული დამოკიდებულება მიიღო, რამაც ძალიან გაახარა.
„საქმეები კარგად მიდის, რადგან აქ ხალხი გაგებით ეკიდება ჩემს გადაწყვეტილებას. იმედი მაქვს პატივს სცემენ მას.
ჩემი მშობლები ძალიან გახარებულები არიან. ისინი მუდამ ჩემთან იმყოფებიან. მათ ჩემს გადაწყვეტილებას მხარი დაუჭირეს", - განაცხადა კოსტამ.
დიეგო კოსტა ტრავმის შემდეგ რეაბილიტაციის კურსს გადიოდა, ახლა კი, სრულიად ჯანმრთელია და მზადაა ჰოლანდიის წინააღმდეგ პირველ მატჩში მიიღოს მონაწილეობა, რომელიც პარასკევს გაიმართება.
