იტალიის ეროვნული ნაკრების ნახევარმცველმა ანდრეა პირლომ „იუვესთან" კონტრაქტი 2016 წლის 30 ივნისამდე გაახანგრძლივა.

„ბებერი ქალბატონის" ოფიციალური ვებგვერდი იუწყება, რომ 35 წლის ნახევარმცველს უკავშირდება გუნდის ყველა უკანასკნელი შიდა წარმატება: 3 ჩემპიონის ტიტული და 2 იტალიის სუპერთასი.

„მილანის" ყოფილმა ფეხბურთელმა ტურინულ კლუბში სულ რაღაც 3 სეზონში 131 მატჩში მიიღო მონაწილეობა, სადაც 14 გოლითა და 30 საგოლე გადაცემით გამოირჩა.

იმაზე, რომ „იუვენტუსის" მთელი თამაში ანდრეა პირლოზეა დამოკიდებული, სტატისტიკაც მეტყველებს: 11 344 სათამაშო წუთში ბურთი 11551-ჯერ მიიღო (უფრო მეტჯერ, ვიდრე წუთში ერთხელ).