„პსჟ"-ს თავდამსხმელი ედინსონ კავანი „მანჩესტერ იუნაიტედის" მთავარი სატრანსფერო მიზანია. მანჩესტერელები სატრანსფერო ბაზარზე აგრესიულად შესვლასა და 27 წლის ურუგვაელის გადმობირებას აპირებენ.

Corriere dello Sport-ის ინფორმაციით, „მანჩესტერ იუნაიტედის" ხელმძღვანელობა მზადაა ფეხბურთელის სანაცვლოდ 70 მილიონი ევრო გადაიხადოს. მიუხედავად ამისა, „წითელი ეშმაკების" წარმომადგენლები განიხილავენ ვარიანტს, რომლის მიხედვითაც, შეთანხმებაში უეინ რუნიცაა ჩართული.

ლიგა 1-ის წლევანდელ გათამაშებაში „პსჟ"-ს მაისურით კავანიმ 30 მატჩში მიიღო მონაწილეობა, სადაც 16 გოლითა და 3 შედეგიანი გადაცემით გამოირჩა.