დღეს გაისმება მსაჯის პირველი სასტვენი, რომელიც მსოფლიო ჩემპიონატს გახსნილად გამოაცხადებს. სასტარტო მატჩში ერთმანეთს ბრაზილია და ხორვატია დაუპირისპირდებიან. ბრაზილიასთან გასამართი მატჩის წინ, ხორვატი ნახევარმცველი ლუკა მოდრიჩი ჟურნალისტებს გაესაუბრა.
ამ შეხვედრაზე საუბრისას, ხორვატიის ეროვნული ნაკრების ერთ-ერთმა ლიდერმა ლუკა მოდრიჩმა აღიარა, რომ მეტოქის დაძლევა ძალიან რთული იქნება, მაგრამ თავად ლუკა და მისი პარტნიორები ბრაზილიელებს იოლ გასეირნებას არ პირდებიან.
„ჩვენ ვხვდებით, რომ ბრაზილიას საკუთარ მიწაზე გამარჯვებით სურს სტარტი აიღოს. ეს ფენომენალური გუნდია, რომლის შემადგენლობაშიც მსოფლიო დონის ფეხბურთელები თამაშობენ: მარსელო, ტიაგო სილვა და ნეიმარი.
ეს იმას ნიშნავს, რომ ჩვენ ერთ ტემპში უნდა ვისუნთქოთ. არც ერთი ჩვენგანი არ უნდა ამოვარდეს გუნდური თამაშიდან, რადგან ასეთი პროფესიონალები შეცდომას არ პატიობენ.
მთავარია მოედნის ცენტრი არ დავთმოთ. არანორმალური სამუშაო უნდა გავწიოთ, რომ ბრაზილია შევაჩეროთ, მაგრამ დანებებას არ ვაპირებთ და ბოლომდე ვიბრძოლებთ", - განაცხადა მადრიდის „რეალისა" და ხორვატიის ნაკრების გამთამაშებელმა ლუკა მოდრიჩმა.
