ბრაზილიის ეროვნული ნაკრების მცველმა დავიდ ლუისმა თავისი გუნდის სამუნდიალო პერსპექტივებზე ისაუბრა.

„ჩვენ მოვიგეთ კონფედერაციის თასი, მაგრამ მსოფლიო ჩემპიონატი სხვა დონის ტურნირია. წინა შედეგებს ფეხბურთში მნიშვნელობა არასდროს ჰქონია. როგორმე უნდა დავივიწყოთ ის, რაც შარშან მოხდა და კონცენტრირება აწმყოზე მოვახდინოთ. სერიოზულად უნდა მოვეკიდოთ ამოცანებს, რომლებიც ახლა ჩვენს წინაშე დგას.

კონფედერაციის თასის მოგება სასიამოვნო იყო. კარგი იქნება თუკი მსგავს წარმატებას წელსაც მივაღწევთ", - განაცხადა ლუისმა.

„პსჟ"-ში გადასულმა ბრაზილიელმა რამდენიმე სიტყვა მუნდიალის სასტარტო მატჩზეც თქვა და მეტოქე შეაფასა.

„ხორვატია ძლიერი გუნდია მასთან დაპირისპირება იოლი არ იქნება. მეტოქის შემადგენლობა კარგი ფეხბურთელებითაა დაკომპლექტებული, რომელთაც უნდათ მთელ მსოფლიოს დაანახონ თავიანთი პოტენციალი. მსოფლიო ჩემპიონატი გამარჯვებით უნდა დავიწყოთ", - აღნიშნა დავიდ ლუისმა.

შეგახსენებთ, რომ 2014 წლის ბრაზილიის მსოფლიო ჩემპიონატი სტარტს დღეს, თბილისის დროით 00:00 საათზე აიღებს