დონეცკის „შახტარისა" და ხორვატიის ეროვნული ნაკრების თავდამსხმელმა ედუარდო და სილვამ, რომელიც დაიბადა და გაიზარდა ბრაზილიაში, 2014 წლის მსოფლიო ჩემპიონატის სასტარტო მატჩთან დაკავშირებით კომენტარი გააკეთა.

ფეხბურთელი ჯერ ვერ ჩამოყალიბდა აღნიშნავს თუ არა საკუთარი ეთნიკური სამშობლოს კარში გატანის შემთხვევაში გოლს.

„დასაწყისისთვის უნდა გავიტანოთ გოლი ბრაზილიის კარში და მაშინ ვნახოთ, აღვნიშნავ თუ არა მას, მაგრამ, სიმართლე რომ ვთქვათ, ვერასდროს წარმოვიდგენდი, რომ საკუთარი სამშობლოს წინააღმდეგ მომიწევდა თამაში, მითუმეტეს ბრაზილიაში გასამართ მსოფლიო ჩემპიონატზე.

ჩემი აზრით, ხორვატიის ნაკრებს სიურპრიზის მოწყობა შეუძლია", - აღნიშნა ედუარდომ.