ჰოლანდიასა და ესპანეთს შორის გასამართი დღევანდელი ცენტრალური შეხვედრის წინ, ვესლი სნეიდერი ჟურნალისტებს გაესაუბრა და თავისი წინასამატჩო შეხედულებები გააცნო.
„ჩვენ თავიდან ესპანეთთან, 2010 წლის მსოფლიო ჩემპიონატის ფინალისტთან, თამაშის საშუალება მოგვეცა. ეს ფეხბურთია და ამაში ვერაფერ საშიშს ვერ ვხედავ. ჩვენ აღარ ვფიქრობთ იმაზე, რაც ოთხი წლის წინ მოხდა. ორი გუნდი კარგად იცნობს ერთმანეთს, ასე რომ, სიურპრიზებს არ უნდა ველოდოთ. ვფიქრობ, რომ ეს შეხვედრა დიდ მატჩებს უნდა მივაწეროთ.
ჩვენ გვაქვს იარაღი, რომელიც ესპანელთა დაძლევაში დაგვეხმარება. შევეცდებით იგი გამოვიყენოთ.
მუნდიალზე რამდენიმე ფავორიტია, მათ შორის ესპანეთი და ჰოლანდიაც. ჩვენი მეტოქე ოთხი წლის მანძილზე პრაქტიკულად არ შეცვლილა და ამიტომაც, ტიტულის დაცვა შეუძლია", - განაცხადა სნეიდერმა.
შეგახსენებთ, რომ ესპანეთისა და ესპანეთის დაპირისპირება დღეს, თბილისის დროით 23:00 საათზე გაიმართება.
