მექსიკის ნაკრების თავდამსხმელმა ჯოვანი დოს სანტოსმა, ბრაზილიის 2014 წლის მსოფლიო ჩემპიონატის პირველ მატჩში კამერუნის ნაკრებზე გამარჯვების შემდეგ (1:0), ჟურნალისტებთან ისაუბრა.

„მიუხედავად შექმნილი რთული ვითარებისა, მაინც მივაღწიეთ ჩვენსას და კარგი შთაბეჭდილება დავტოვეთ. მსოფლიო ჩემპიონატზე თამაში უნიკალური გამოცდილებაა და გაწეული ნდობისთვის მწვრთნელის მადლიერი ვარ. თავს კარგად ვგრძნობ. ბედნიერი და მოტივირებული ვარ", - აღნიშნა დოს სანტოსმა.

შეგახსენებთ, რომ დოს სანტოსმა გუშინდელ შეხვედრაში ორი 100%-იანი გოლის გატანა შეძლო, თუმცა მატჩის მთავარმა არბიტრმა არც ერთი მათგანი არ ჩათვალა. მექსიკელებმა მაინც შეძლეს ნანატრი 3 ქულის მოპოვება პერალტას გოლის წყალობით, რომელში დიდი წვლილიც თავად დოს სანტოსმა შეიტანა.