ჰოლანდიის ნაკრების გარემარბმა არიენ რობენმა ესპანეთზე გამანადგურებელი გამარჯვების შემდეგ (5:1) ჟურნალისტებთან კომენტარი გააკეთა.

„ეს მხოლოდ და მხოლოდ ჯგუფური ეტაპია, ამიტომაც, ჩვენი ესპანეთთთან გამარჯვება  2010 წლის შურისძიებად ვერ აღიქმება. ძალიან გახარებულები ვართ.  ვამაყობ ჩვენი გუნდით. ეს გამარჯვება უნდა გამოვიყენოთ. მას შეუძლია იმპულსი მოგვცეს, რადგან ჯერ მხოლოდ დასაწყისია.

რაც შეეხება სპრინტის გაკვეთილს სერხიო რამოსისთვის, ჩვენი დუელიდან გამარჯვებული გამოვედი. ჩემი თამაშით, უპირველეს ყოვლისა, საკუთარ თავს დავუმტკიცე, რომ ძალიან კარგ ფორმაში ვარ. ეს ჩვენი დღე იყო“, - განაცხადა რობენმა De Telegraaf-თან საუბრისას.