ბრაზილიის ეროვნული ნაკრების ლიდერმა ნეიმარმა განაცხადა, რომ ლუკა მოდრიჩისთვის, მსოფლიო ჩემპიონატის გახსნით მატჩში, ძალით არ დაურტყამს ხელი.
შეგახსენებთ, რომ შეხვედრა სკანდალურად დასრულდა ბრაზილიელთა გამარჯვებით - 3:1. მთავარ არბიტრ უიტი ნიშიმურას ბრალი დაედო პენალტის უსამართოდ დანიშვნაში, თუმცა ამასთანავე, ბევრი მიიჩნევს, რომ მსაჯს ნეიმარი ლუკა მოდრიჩის მისამართით უხეშობის გამო უნდა გაეძევებინა.
„ეს გაუთვითცნობიერებელი იყო. არბიტრი ჩვენთან ახლოს იდგა. ამაში რომ დაენახა განზრახ ქმედება დაენახა, გაცილებით მკაცრ სასჯელს მივიღებდი", - განაცხადა ნეიმარმა Times of India-სთან საუბრისას.
შეგახსენებთ, რომ ნეიმარმა იმ შეხვედრაში დუბლი შეასრულა. დღეს ბრაზილიის ნაკრები ჯგუფში მეორე შეხვედრას მექსიკის წინააღმდეგ, თბილისის დროით 23:00 საათზე გამართავს.
