„ტაბულას“ გადამღებმა ჯგუფმა სანაპიროზე შინაგან საქმეთა სამინისტროს თანამშრომლების ჩხუბი გადაიღო, რომელსაც საქართველოს პირველი პრეზიდენტის ვაჟი ცოტნე გამსახურდია „facebook“-ის საკუთარ გვერდზე გამოეხმაურა:
„არაა ახლა ეს გასაგდები? ამას ვანო მერაბიშვილი მოაკლდა აშკარად... ამიხსენით, რატომ მოქმედებს უარყოფითად ამ გრუზინებზე მართვის კულტურული და დემოკრატიული სტილი ასე ცუდად... დავიჯერო ეს თაგუნია ამას გაბედავდა ორი წლის წინ?!“, - წერს გამსახურდია.
საქმეს უკვე სწავლობს უწყების გენინსპექცია. შეგახსენებთ, „ტაბულას“ ინფორმაციით, მათმა გადამღებმა ჯგუფმა სანაპიროზე შინაგან საქმეთა სამინისტროს არაფხიზელ მდგომარეობაში მყოფი თანამშრომლების ჩხუბი შემთხვევით დააფიქსირა. ინციდენტში პოლიციის მაიორი რამაზ კაკალაშვილი, ასევე შსს-ს თანამშრომლები - გივი გამეზარდაშვილი, გიორგი აფციაური და ირაკლი დარახველიძე მონაწილეობდნენ. გავრცელებულ ვიდეოში ისინი აცხადებდნენ, რომ ინციდენტი მეგობრული გარჩევა იყო. საპატრულო პოლიციის თანამრომშლებთან საუბრისას, ინციდენტში მონაწილე პირები შს მინისტრ ალექსანდრე ჭიკაიძეს აგინებენ.
