ურუგვაის ეროვნული ნაკრების ფორვარდი ლუის სუარესი დუბლით საოცრად გახარებულია. შეგახსენებთ, რომ გუშინ, მისმა გუნდმა ინგლისის ნაკრები დაამარცხა - 2:1.

„ამაზე ვოცნებობდი. ახლა მომენტით ვტკბები, ვიხსენებ რა კრიტიკას, რაც კი უკანასკნელ პერიოდში მესმოდა.

ინგლისის წინააღმდეგ მატჩი ჩემს კარიერაში ერთ-ერთი საუკეთესო და დაუჯერებელია. ორი დღის წინ კი, ისიც არ ვიცოდი შევძლებდი თუ არა თამაშს.

სტივენ ჯერარდს გამაგრება ვურჩიე. მისთვის უსიამოვნო მომენტია და არ მომწონს, რომ ასეთ სიტუაციაში მოხვდა. ვურჩიე დაივიწყოს ეს მატჩი და წინ იყუროს.

ინგლისთან მატჩამდე ბევრი დასცინოდა ჩემს თამაშს უკანასკნელი წლების მანძილზე. მაინტერესებს, რას იტყვიან ახლა ჩემზე“, - განაცხადა სუარესმა.