ბელგიის ნაკრებმა პირველ თამაშში, სირთულეების მიუხედავად, ალჟირის ნაკრებთან 3 ქულა მოიპოვა, ახლა კი, რუსეთთან დაპირისპირებისთვის ემზადება, რომელიც დღეს, თბილისის დროით 20:00 საათზე გაიმართება.

„საკუთარი ქვეყნის ღირსების დაცვა პრივილეგიაა, მაგრამ ამავდროულად დიდი წნეხის ქვეშ გიწევს თამაში. გულშემატკივარმა იცის ჩემი სატრანსფერო ღირებულება, ამიტომაც ლოგიკურია, რომ იმედებს ჩემზე ამყარებენ.

უკანასკნელი 12 წლის მანძილზე, ბელგია მსოფლიო ჩემპიონატის ფინალურ ეტაპზე გავიდა. ეს საოცნებო ტურნირია. ახლა ჩვენთვის მთავარი მიზანი ჯგუფიდან გასვლაა. თუკი ამას შევძლებთ, პლეი ოფში ყველაფერი არაპროგნოზირებადი იქნება“, - განაცხადა ედენ აზარმა.

შეგახსენებთ, რომ ბელგია ჯგუფურ ეტაპზე რუსეთსა და სამხრეთ კორეას დაუპირისპირდება.