ევროპის ლიგის საკვალიფიკაციო ეტაპზე ქართული გუნდების მეტოქეები გაირკვა. „ზესტაფონის" მეტოქე მალტურ „ჰიბერნიანსა" და სლავურ „სპარტას" შორის გამარჯვებული იქნება.
ბოლნისის „სიონს" ალბანური „ფლამურტარი" დაუპირისპირდება, საჩხერის „ჩიხურას" კი მაკედონიური „ტურნოვო" ერგო.
პირველი შეხვედრები 3 ივლისს გაიმართება, საპასუხო მატჩები კი - 10 ივლისს. პირველ შეხვედრას საჩხერლები სტუმრად ჩაატარებენ, ბოლნისელები კი მეტოქეს სახლში მიიღებენ.
თუკი „სიონი" პირველ მეტოქეს გაცდება, შემდეგ ეტაპზე რუმინულ „პეტროლულს" დაუპირისპირდება, ხოლო „ჩიხურა" გამარჯვების შემთხვევაში ძალებს თურქულ „ბურსასპორთან" მოსინჯავს.
შეგახსენებთ, რომ დღეს გაირკვა თბილისის „დინამოს" მომავალი მეტოქეც. ჩემპიონთა ლიგის მეორე საკვალიფიკაციო ეტაპზე ქართული ფეხბურთის ფლაგმანი ყაზახეთის „აქტობეს" დაუპირისპირდება.
