იტალიის კარში გატანილი გოლის ურუგვაელი ავტორი შედეგითა და პარტნიორების ბრძოლისუნარიანობით კმაყოფილია.

„ეს გოლი ჩემს თანაგუნდელებს ეძღვნებათ, რადგან ეს  იყო თითოეული ჩვენგანის და ყოველი ურუგვაელის, რომელიც გვგულშემატკივრობდა. ძალიან ბევრს ვმუშაობდით და ჩვენი თავდაჯერებულობა მოსაწონი იყო. მეორე ტაიმში მოედანზე მთელი ჩვენი ძალები დავდეთ", - განაცხადა გოდინმა.

შეგახსენებთ, რომ სწორედ დიეგო გოდინის გოლით აღადგინა „ბარსელონასთან" მატჩში წონასწორობა მადრიდის „ატლეტიკომ" და ჩემპიონობა მოიპოვა. მსოფლიო ჩემპიონატზეც, სწორედ ურუგვაელთა კაპიტნის გოლის წყალობით გააღწია ჯგუფიდან მისმა გუნდმა.