შეგახსენებთ, რომ „ლივერპულისა" და ურუგვაის ეროვნული ნაკრების ფორვარდმა ლუის სუარესმა ჯორჯო კიელინის გადამწყვეტ მატჩში მხარზე უკბინა. შეხვედრის არბიტრმა ამ ეპიზოდს იგნორირება გაუკეთა, მაგრამ გამოერებით ჩვენებაზე გამოჩნდა, რომ სუარესმა იტალიელს განზრახ ჩაასო კბილები.

უნდა აღინიშნოს, რომ მსგავსი ქმედება ამ ფეხბურთელის კარიერაში უკვე მესამეა (აქამდე სუარესს ოტმან ბაკალი და ბრანისლავ ივანოვიჩი ჰყავს „დაკბენილი").

„ფიფამ" ეპიზოდის გამოძიება დაიწყო და საბოლოო ვერდიქტიც გამოიტანა: 9-მატჩიანი დისკვალიფიკაცია და ფეხბურთს 4-თვიანი ჩამოშორება.

გარდა ამისა, სუარესს აეკრძალება საკუთარი გუნდის მატჩებზე დასწრება, ხოლო ჯარიმის სახით 100 ათას შვეიცარულ ფრანკს გადაიხდის.

ლუისისათვის საბედნიეროდ, მას აქვს აპელაციის შეტანის უფლება.