„მანჩესტერ სიტისა" და არგენტინის ეროვნული ნაკრების თავდამსხმელ სერხიო აგუეროსთვის 2014 წლის მსოფლიო ჩემპიონატი დასრულდა. არგენტინული გამომცემლობა Clarin-ის ცნობით, ფეხბურთელს კუნთებზე პრობლემა 25 ივნისს, ნიგერიის ნაკრების წინააღმდეგ გამართულ შეხვედრაში შეექმნა, რის გამოც მოედანი ნაადრევად, 38-ე წუთზე დატოვა.

აგუერო მიმდინარე მსოფლიო ჩემპიონატზე ნამდვილად ვერ ბრწყინავდა. მან ვერც ერთ შეხვედრაში ვერ გამოიჩინა თავი და სავარაუდოდ, საბელიას კარლოს ტევესის არწაყვანა ანანებინა.

აღსანიშნავია, რომ აგუეროს ამ სახის პრობლემა პრემიერლიგის 2013/2014 წლების სეზონის დროსაც ჰქონდა.