ბრაზილიის 2014 წლის მსოფლიო ჩემპიონატის ჯგუფი ეტაპის უკანასკნელ მატჩში ურუგვაის ეროვნული ნაკრების ფორვარდმა ლუის სუარესმა იტალიელ ჯორჯო კიელინის მხარზე უკბინა. „ფიფამ" ეს საკითხი განიხილა და საბოლოოდ „ლივერპულის" ფორვარდს სანაკრებო დონეზე 9-მატჩიანი დისკვალიფიკაცია და 4 თვით ფეხბურთისგან ჩამოშორება დააკისრა.

საფეხბურთო ასოციაციის გადაწყვეტილება დიეგო მარადონამ გააკრიტიკა.

„ფიფას" გადაწყვეტილება სამარცხვინოა. არ მესმის, სუარესმა ვინმე მოკლა, რომ ასეთი დისკვალიფიკაცია მიუსაჯეს? ბარემ ხელბორკილები დაადონ და გუანტანამოში გაუშვან.

ფეხბურთელი მთელი წლის განმავლობაში შრომობდა, რომ მსოფლი ჩემპიონატზე თამაშის საშუალება მისცემოდა, ლუისმა 29 გოლი გაიტანა. მათ კი ის, უბრალოდ, გააგდეს. ეს დაუჯერებელია.

გახსოვთ რა გააკეთა ზინედინ ზიდანმა 2006 წლის მსოფლიო ჩემპიონატის ფინალში? ამის მიუხედავად, მას „ფიფამ" „ოქროს ბურთი" გადასცა", - განაცხადა „ფეხბურთის ღმერთმა".