ურუგვაელები, მათი დასჯილი „ელ პისტოლეროს" დასახვედრად მონტევიდეოსთან ახლოს, კარასკოს საერთაშორისო აეროპორტში შეიკრიბნენ. მხარდამჭერები გაერთიანდნენ და „ლივერპულის" ფორვარდს მხარდამჭერი პოსტერებით დახვდნენ.

შეგახსენებთ, რომ ლუის სუარესს „ფიფამ" საკმაოდ მძიმე განაჩენი, სანაკრებო დონეზე 9 მატჩიანი დისკვალიფიკაცია და 4-თვიანი ყველანაირი საფეხბურთო აქტივობის აკრძალვა გამოუტანეს.

მიუხედავად ყველაფრისა, საფეხბურთო ასოციაციის ამგვარ გადაწყვეტილებას ძალიან ბევრი საფეხბურთო ექსპერტი თუ გულშემატკივარი არ ეთანხმება. მონტევიდეოში გულშემატკივარმა იგი გმირად მიიღო.

აეროპორტში ურუგვაის პრეზიდენტი ხოსე მუხიკაც კი მივიდა, თუმცა სუარესის ფრენა გადაიდო, რის გამოც პრეზიდენტი და ფანები ლუისს ვერ შეეგებნენ.