არგენტინის ეროვნული ნაკრების კარის დარაჯი სერხიო რომერო, მისი თანაგუნდელის, ლიონელ მესის თამაშით გამოწვეულ აღფრთოვანებას ვერ მალავს.
„მესი ახერხებს, რომ ყოველ ჯერზე რაიმე ახალი წარმოგვიდგინოს, რაიმე განსხვავებული. გაგვიმართლა, რომ ჩვენს მხარეს თამაშობს. რთულია სიტყვების მოძიება, რათა მისი გამორჩეულობა აღწერო. უბრალოდ ბედნიერები ვართ, რომ ჩვენთან ერთად გამოდის ამ დონეზე. იგი თამაშში ეხმარება თითოეულ ჩვენგანს.
მესი აბსოლუტური ვარსკვლავია. ის უბრალოდ სხვა დონის მოთამაშეა. დიდ სიამოვნებას ვიღებ მისი თამაშის ყურებისას. მადლობა ღმერთს, რომ მისი დარტყმულების აღება არ მიწევს", - განაცხადა რომერომ.
შეგახსენებთ, რომ მესიმ მიმდინარე მუნდიალზე უკვე მოახერხა მეტოქეთა კარის ოთხჯერ აღება და აქედან მისი ორი გოლი გადამწყვეტი აღმოჩნდა. ეს ყოველივე მაშინ, როცა არგენტინამ ჯამში 6 გოლი გაიტანა.
