საფრანგეთის ხელისუფლება არ გამორიცხავს, რომ აშშ და მისი ზოგიერთი მოკავშირე სირიაზე დარტყმას 4 სექტემბრამდე განახორციელებენ. ამის შესახებ საფრანგეთის პრეზიდენტმა ფრანსუა ოლანდმა განაცხადა. მისი თქმით, ქვეყნები, რომლებიც სამხედრო ოპერაციის იდეას განიხილავენ, პრეზიდენტ ბაშარ ასადის ხელისუფლებიდან ძალით ჩამოცილებას არ შეეცდებიან. აღსანიშნავია, რომ დიდი ბრიტანეთის პოზიციის ცვლილების მიუხედავად, საფრანგეთი სირიის წინააღმდეგ სამხედრო ოპერაციაში მონაწილეობას კვლავინდებურად არ გამორიცხავს და მიიჩნევს, რომ სირიაში პრეზიდენტ ბაშარ ასადის მიერ ქიმიური იარაღი იქნა გამოყენებული. ამასთან, აშშ-ის პრეზიდენტს ბარაკ ობამას სირიის საკითხთან დაკავშირებით საბოლოო გადაწყვეტილება ამ დრომდე არ მიუღია და კვლავინდებურად მოქმედების ყველა შესაძლო ვარიანტს განიხილავს. შეგახსენებთ, რომ 21 აგვისტოს რიგმა დასავლურმა და არაბულმა ტელეარხმა დამასკოს გარეუბანში ქიმიური იარაღის გამოყენების შესახებ ინფორმაცია გაავრცელეს, რასაც მედიის ცნობით, 1300-მდე ადამიანის სიცოცხლე ემსხვერპლა.
