წლობის მანძილზე საქართველოს ეროვნული ნაკრების ღირსების დამცველმა ალექსანდრე იაშვილმა 36 წლის ასაკში ფეხბურთელის კარიერის დასრულება გადაწყვიტა. ამის შესახებ იაშვილმა გაზეთ „ლელოს“ განუცხადა.
„ამ ეტაპზე ფეხბურთიდან წასვლა გადავწყვიტე. უმჯობესია, ეს მანამ გააკეთო, ვიდრე ვიღაც უკმაყოფილო იქნება შენი თამაშით. ადრე თუ გვიან, ყველა ფეხბურთელის კარიერაში დგება ეს ურთულესი მომენტი და ვერც მე ვიქნები გამონაკლისი. ახლა ასეა და მომავალში რა იქნება, ერთად ვნახოთ“, - განაცხადა ალექსანდრე იაშვილმა.
იაშვილმა საფეხბურთო კარიერა თბილისის „დინამოში“ დაიწყო (1993-1997 წლები, 89 მატჩი, 84 გოლი). დიდი ხანი თამაშობდა გერმანიაში - 1997-2007 წლებში „ფრაიბურგის“ მაისურით 255 მატჩი ჩაატარა, რის შემდეგაც „კარლსრუეს“ და „ბოხუმის“ ღირსებას იცავდა. უკანასკნელი სეზონი იაშვილმა ბაქოს „ინტერში“ გაატარა. საქართველოს ეროვნული ნაკრების მაისურით ალექსანდრე იაშვილს 67 მატჩი აქვს ჩატარებული, სადაც 15 გოლით გამოირჩა.
