ბრაზილიის ეროვნული ნაკრების ნახევარმცველი ლუის გუსტავო მადრიდის „რეალის“ ინტერესთა  არეალში მოხვდა.

ესპანური პრესა უკვე დიდი ხანია საუბრობს იმაზე, რომ კარლო ანჩელოტის მოედნის ცენტრის გაძლიერება სურს. ამ კონტექსტში რეგულარულად ახსენებენ „ბაიერნის“ ნახევარმცველ ტონი კროოსს, რომელთან მოლაპარაკებაც „რეალმა“, Marca-ს ინფორმაციით, უკვე დაასრულა და ახლა მიუნხენელთან კლუბთან შეთანხმებაღა დარჩენია. თუმცა, აქვე ისიც გახდა ცნობილი, რომ „რეალი“ არ ჩერდება და ალტერნატიული ვარიანტების ძიებაშია.

El Confidencial-ის ცნობით, „სამეფო კლუბი“ „ვოლფსბურგის“ ნახევარმცველითაც დაინტერესდა. აღსანიშნავია, რომ ესპანელებს გუსტავოს ტრანსფერი გაცილებით იაფი დაუჯდებათ, ვიდრე კროოსის.