ფეხბურთის ისტორიის მანძილზე, არაერთ უცნაურ ფაქტს შეიძლება წააწყდეთ, მაგრამ ის, რაც 1994 წელს კარიბის ზღვის ჩემპიონატზე, ბარბადოსსა და გრენადას შორის მოხდა, ლოგიკის ყველანაირ საზღვარს სცდება.

ბარბადოსს პირველი ადგილის დასაკავებლად, სულ მცირე, 2 ბურთის სხვაობით უნდა მოეგო. 83-ე წუთზე, როდესაც ანგარიში 2:1 იყო, ბარბადოსელებმა საკმაოდ პარადოქსულ სვლას მიმართეს - გაიტანეს გოლი საკუთარ კარში, რითაც დამატებითი ორი 15-წუთიანი ტაიმი გამოიმუშავეს.

საინტერესოა ისიც, რომ ამ მსვლამ გაამართლა, ბარბადოსელებმა შეძლეს დამატებით დროში გოლის გატანა, რომელიც „ოქროს გოლად“ ითვლებოდა და 2-ს უტოლდებოდა.

შედეგად, ბარბადოსმა შეხვედრა 4:2 მოიგო და ჩემპიონატში პირველი ადგილი დაიკავა.