დიეგო მარადონამ განაცხადა, რომ მსოფლიო ჩემპიონატის დასრულების შემდეგ, ვენესუელას პრეზიდენტ ნიკოლას მადუროს შეხვდება და ადგილობრივთა ეროვნული ნაკრების მომავალზე გაესაუბრება.
ვენესუელას ყოფილმა მთავარმა მწვრთნელმა სეზარ ფარიასმა პოსტი გასული წლის ნოემბერში დატოვა, მას შემდეგ რაც გუნდმა ბრაზილიის მსოფლიო ჩემპიონატის შესარჩევ ეტაპზე კრახი განიცადა. დიეგო მარადონამ ამ თანამდებობის დაკავების სურვილი გამოთქვა. მისი თქმით, იგი მზადაა ამ გამოწვევისთვის.
„სერიოზულ პროექტს ვეძებ. ვფიქრობ, რომ თუ ყველაფერი კარგად ჩაივლის, შევძლებ ვენესუელას ვუხელმძღვანელო. მსოფლიო ჩემპიონატის დასრულების შემდეგ, ნიკოლას მადუროსთან შეხვედრას და მასთან ბევრ საკითხზე საუბარს ვგეგმავ, მათ შორის ეროვნულ ნაკრებზე“, - განაცხადა მარადონამ Corriere dello Sport-თან დაუბრისას.
