კოლუმბიის ეროვნული ნაკრების მცველმა პაბლო არმერომ განაცხადა, რომ ტრანსფერისთვის მზადაა, რადგან არასდროს სარგებლობდა მწვრთნელის ნდობით.

„ბენიტესს არასდროს მოვწონდი. არ ვიცი რატომ. ველოდი „ნაპოლის“ წარმომადგენელთა ზარს, სანამ მუნდიალზე ვასპარეზობდი. ახლა იმაზე ვოცნებობ, რომ რომელიმე დიდ იტალიურ კლუბში გადავიდე, „მილანში“, „ინტერში“ ან „იუვენტუსში“, სადაც ჩემს პოტენციალს მაქსიმალურად გამოვამჟღავნებდი“, - განაცხადა კოლუმბიელმა.

შეგახსენებთ, რომ გასული სეზონი არმერომ ინგლისურ „ვესტ ჰემში“  არენდის წესით გაატარა. ამასთანავე, მასზე უფლებების ნახევარი ახლა „უდინეზეს“ ეკუთვნის.