დამოუკიდებელი საქართველოს ისტორიაში პირველად, საქართველოს წყალბურთელთა ეროვნული ნაკრები ევროპის ჩემპიონატის ფინალურ ეტაპზე იასპარეზებს.

ტურნირი 14-დან 27 ივლისის ჩათვლით, უნგრეთში გაიმართება, სადაც ევროპის 12 უძლიერესი გუნდი, მათ შორის საქართველოს ეროვნული ნაკრები, ტიტულის მოსაპოვებლად იბრძოლებს.

ქართველი წყალბურთელები ჯგუფურ ეტაპზე მონტენეგროს, იტალიის, რუსეთის, რუმინეთისა და საბერძნეთის ნაკრებებს დაუპირისპირდებიან.

ტურნირამდე კი, ქართველი სპორტსმენები, 5 ივლისს, მონტენეგროში გაემგზავრებიან, სადაც რამოდენიმე სპარინგ-მატჩს გამართავენ ადგილობრივ კლუბებთან.

შეგახსენებთ, რომ საქართველოს ნაკრები გადამწყვეტ დუელში, თურქეთის წინააღმდეგ, გამარჯვებული გამოვიდა და ევროპის ჩემპიონატის საგზური მოიპოვა.