საკმაოდ უჩვეულო კურიოზი მოხდა მიმდინარე მუნდიალზე ქალაქ რიო-დე-ჟანეიროში. ჰოლანდიის ეროვნული ნაკრების მთელი გუნდი სასტუმროდან გამოასახლეს. ამის შესახებ ინფორმაციას ავტორიტეტული გერმანული გამომცემლობა „ბლიდი" იუწყება.
კურიოზულია ის ფაქტი, რომ ჰოლანდიის ფეხბურთის ფედერაციას ტურნირის დასრულებამდე არ დაუჯავშნავს სასტუმრო. როგორც ჩანს, ისინი გაცილებით ადრეულ ეტაპზე ვარაუდობდნენ საკუთარი გუნდის ტურნირს მიღმა დარჩენას. ახლა საქმეში „ფიფას" სპონსორები და წარმომადგენლები ჩაერივნენ.
„ფეხბურთელებმა უკვე მოახერხეს სასტუმროში დაბრუნება და ახლა დასვენების შესაძლებლობა აქვთ. ჩვენ სასტუმრო ტურნირის დასრულებამდე არ დაგვიჯავშნავს", - განაცხადა ჰოლანდიის ფეხბურთის ფედერაციის პრეზიდენტმა ბერტ ვან ოსტვენმა.
შეგახსენებთ, რომ ჰოლანდიის ნაკრები მიმდინარე მუნდიალზე ნახევარფინალურ ეტაპზე გავიდა და 10 ივნისს, თბილისის დროით 00:00 საათზე, არგენტინის ნაკრებს დაუპირისპირდება.
