დიადი დი სტეფანოს გარდაცვალებასთან დაკავშირებით, „უეფას" პრეზიდენტმა მიშელ პლატინიმ დიდი მწუხარება გამოთქვა.
„ძალიან ვწუხვარ, რომ ფეხბურთის ისტორიაში ერთ-ერთი უდიდესი მოთამაშე ალფრედო დი სტეფანო გარდაიცვალა. იგი მუდამ სამართლიანად და თავდადებით ემსახურებოდა ფეხბურთს. მან დაიპყრო ყველას გული ლეგენდარულ „რეალში" გამოსვლისას, გუნდში, რომელმაც ზედიზედ ხუთჯერ მოიპოვა ევროპის ჩემპიონის თასი და წარუშლელი კვალი დატოვა ევროპულ ფეხბურთში.
მას საოცარი ტექნიკა და სიჩქარე ჰქონდა. ეს ნამდვილი ბომბარდირია. თავის ნიჭიერ პარტნიორებთან ერთად, მან მოახერხა თანამედროვე ფეხბურთის შექმნა. ეს თამაში საფეხბურთო მაგიას სრულად გადმოსცემდა, როგორც ევროპაში, ასევე მის საზღვრებს გარეთ. მე დიდი სიამოვნებით გადავეცი მას პრეზიდენტის პირველი ტიტული", - განაცხადა მიშელ პლატინიმ.
შეგახსენებთ, რომ ლეგენდარული დი სტეფანო გუშინ, 88 წლის ასაკში გარდაიცვალა.
