გერმანიის ეროვნული ნაკრების თავკაცი იოახიმ ლიოვი, ბრაზილიასთან ნახევარფინალურ მატჩში, უხეშობაზე ნერვიულობს.
„კოლუმბიისა და ბრაზილიის დაპირისპირებაში ძალიან ბევრი ჯარიმა იყო. ფეხბურთელები ერთმანეთზე ხტებოდნენ და ძალიან უხეშად თამაშობდნენ.
იმედი მაქვს, რომ ასეთი ჯარიმები აღარ იქნება. წინააღმდეგ შემთხვევაში, მესისა და იოზილის მსგავს ფეხბურთელებს მოედანზე ვეღარ ვიხილავთ. მათ უბრალოდ გაანადგურებენ.
მსოფლიო ჩემპიონატზე ბევრი მატჩია აქტიურ ბრძოლაში ჩატარებული, მაგრამ ხშირ შემთხვევაში, ფეხბურთელები ყველანაირ საზღვარს სცდებოდნენ. კარგი მსაჯობა გვჭირდება.
იმედი მაქვს, არბიტრი შეძლებს თამაშის დაწყნარებას და მის გაკონტროლებას", - განაცხადა იოახიმ ლიოვმა.
შეგახსენებთ, რომ გერმანიისა და ბრაზილიის დაპირისპირება დღეს, თბილისის დროით 00:00 საათზე გაიმართება.
