დღეს, თბილისის დროით 00:00 საათზე, 2014 წლის მსოფლიო ჩემპიონატის ნახევარფინალური მატჩი გაიმართება ბრაზილიასა და გერმანიას შორის. დაპირისპირებაში მონაწილეობას ვერ მიიღებს ნეიმარი, რომლისთვისაც, ტრავმის გამო, მუნდიალი ნაადრევად დასრულდა. ბრაზილიელთა თავკაცი ლუის ფილიპე სკოლარი დარწმუნებულია, რომ მისი გუნდი გაუმკლავდება წამყვანი ფეხბურთელის დანაკლისს.
„გერმანიასთან ნახევარფინალი უბრალო მატჩი არაა. ამ შეხვედრას ჩვენი ქვეყნისთვის, ჩვენი ოცნებებისთვისა და ნეიმარისთვის ვითამაშებთ, რომელმაც ამდენი გააკეთა ჩვენთვის.
ჩვენ მივიღეთ მისი ტრავმა და უკვე გადავლახეთ ის პერიოდი, როცა უნდა დავმწუხრებულიყავით ამგვარი დიდი დანაკლისით. ნეიმარი მსოფლიოში ერთ-ერთი საუკეთესო ფეხბურთელია, მაგრამ ჩვენ კიდევ 22 განსაკუთრებული მოთამაშე გვყავს, რომლებიც თავს გამოიჩენენ.
უკვე შევადგინე გერმანიასთან მატჩისთვის სასტარტო შემადგენლობა", - განაცხადა ლუის ფილიპე სკოლარიმ.
