მადრიდის „ატლეტიკოს" ბრაზილიელმა მცველმა მირანდამ გულშემატკივარს განუცხადა, რომ კლუბის შეცვლას არ აპირებს.

უკანასკნელ სეზონში ბრწყინვალე გამოსვლის შემდეგ, მირანდას მისამართით სხვადასხვა ცნობილი კლუბები დაინტერესდნენ, ისეთი, როგორიცაა „ბარსელონა" და „მანჩესტერ იუნაიტედი", რომლებიც დაცვის ხაზის გაძლიერებას საჭიროებენ. პრესა დიდი ხნის განმავლობაში საუბრობდა მის შესაძლო ტრანსფერზე, თუმცა, სერიოზულ წინადადებამდე საქმე ვერ მივიდა.

გუნდის ვარჯიშის შემდეგ გამართულ ავტოგრაფ-სესიაზე, მცველმა გულშემატკივართა ყველაზე საინტერესო კითხვას შემდეგნაირად უპასუხა: „ნუ ღელავთ, მე ვრჩები".