„არისტოკრატები" მადრიდის „ატლეტიკოს" მცველ ფილიპე ლუისის ხელში ჩასაგდებად არ ნებდებიან.
არავისთვის არ არის საიდუმლო, რომ ჟოზე მოურინიოსთვის ფილიპე ლუისი მიმდინარე სატრანსფერო ფანჯრის დროს პრიორიტეტული სამიზნეა. „სტემფორდ ბრიჯზე" ფილიპე ლუისმა კლუბიდან წასული ეშლი კოული უნდა ჩაანაცვლოს.
The Times-ის ცნობით, ლონდონელებმა მადრიდულ კლუბს ახალი წინადადებით მიმართეს, რომელის ღირებულებაც 3 მილიონით მეტია, ვიდრე წინამორბედი და 15 მილიონ ფუნტს შეადგენს.
მიუხედავად ამისა, „ატლეტიკოს" ხელმძღვანელობას ფეხბურთელის სანაცვლოდ 19 მილიონი ფუნტის აღება სურს. სწორედ ეს თანხაა მითითებული ფეხბურთელის ამჟამინდელ კონტრაქტში, რომლის შემდეგაც ესპანელები ბრაზილიელის შენარჩუნებას ვერ შეძლებენ.
იმასაც დავამატებთ, რომ „ატლეტიკომ" უკვე იპოვა ლუისის შემცვლელი, გაიფორმა რა გილიერმე სიკეირა „გრანადადან".
