2014 წლის მუნდიალის ნახევარფინალურ დაპირისპირებაში ბრაზილიის ეროვნულმა ნაკრებმა, საკუთარ კედლებში, გერმანიასთან დამამცირებელი მარცხი იგემა - 1:7. მომხდარი დიეგო მარადონამ ბრაზილიელთათვის გამაღიზიანებელი ფოტოსურათით აღნიშნა, სადაც ლეგენდარული არგენტინელი ბუნდესგუნდის გამარჯვებას ორი ხელის კომბინაციით ასახავს.

ამ ფოტოს ბრაზილიის ეროვნული ნაკრების ლიდერი ნეიმარი გამოეხმაურა, რომელმაც დიეგოს არაკაცი უწოდა.

„შენ ხარ ჩამოყალიბებული არაკაცი და მრცხვენია, რომ მსოფლიოს ერთ-ერთი საუკეთესო ფეხბურთელად მიგიჩნევენ. ჩვენ შორის ყველანაირი კონტაქტი დასრულდა", - განაცხადა ნეიმარმა.

არამგონია, „ფეხბურთის ღმერთს" ნეიმართან კონტაქტის გაწყვეტამ სერიოზული დანაკლისი მიაყენოს, დიეგო მარადონას ამგვარი ქცევა კი ნამდვილად არ არის ახალი და შემაშფოთებელი.