არგენტინის ეროვნული ნაკრები ფინალშია. ნახევარფინალში ჰოლანდიასთან მატჩში შეხვედრის საუკეთესო მოთამაშედ სერხიო რომერო დასახელდა, რომელმაც პენალტების სერიაში ნამდვილ გმირად მოგვევლინა და 4-დან 2-ის მოგერიება შეძლო. შეხვედრის შემდეგ არგენტინელთა კარის დარაჯმა მცირე კომენტარი გააკეთა.
„ამ გამარჯვებას საკუთარ ოჯახს ვუძღვნი. დღეს ვზეიმობთ, ხვალიდან კი გერმანიაზე გადავერთვებით. ფინალში გამარჯვებული მხოლოდ ერთია და აქ შეიძლება ყველაფერი მოხდეს. გამართლება თამაშის ძალიან მნიშვნელოვანი ელემენტია. გერმანიის წინააღმდეგ თამაში რთული იქნება, მაგრამ ჩვენი მიზანი თავიდანვე ფინალში თამაში იყო", - განაცხადა რომერომ Football italia-სთან საუბრისას.
მიმდინარე მუნდიალის ნახევარფინალური ეტაპის პენალტების სერიაში რომერომ ჯერ რონ ვლაარის, შემდეგ კი უესლი სნეიდერის დარტყმულები მოიგერია და საკუთარ ნაკრებს ფინალში გაუძღვა.
