„ბარსელონას" ლეგენდარული ნახევარმცველი ხავი ენდანდესი MLS-ში, საფეხბურთო კლუბ „ნიუ-იორკში" გადასვლისკენ გადაიხარა. ამის შესახებ ინფორმაციას insidespanishfootball.com და Catalunya Radio ავრცელებენ.

აქამდე ითქვა, რომ დიდი ალბათობით, ესპანელი ყატარში გააგრძელებდა კარიერას, სადაც კლუბი „ლეხვია" წლიურ ანაზღაურებად 12 მილიონ ევროს ჰპირდება. თუმცა, ახლა როგორც ირკვევა, 34 წლის ნახევარმცველმა გეზი ამერიკისკენ აიღო.

„ნიუ-იორკს" MLS-ში დებიუტი 2015 წელს ექნება. კლუბმა უკვე გაიფორმა დავიდ ვილია და ახლოსაა ფრენკ ლემპარდის გადმობირებასთან.

შეგახსენებთ, რომ ხავი „ბარსელონას" ფერებს 1998 წლიდან იცავს და არაერთხელ მოურგია მისი კაპიტნის სამკლაური.