ბრაზილიელი ნახევარმცველი დიეგო „ფენერბახჩეში" გადავიდა. 29 წლის ფეხბურთელი კლუბს შეუერთდა. ამის შესახებ ინფორმაციას Marca ავრცელებს.

ბრაზილიელ ფეხბურთელს „ვოლფსბურგთან" კონტრაქტი 2014 წლის 30 ივლისს შეუწყდა და ახლა იგი ოფიციალურად შეუერთდა სტამბოლურ კლუბს მიუხედავად იმისა, რომ მასთან შეთანხმება ჯერ კიდევ მაისში გაფორმდა.

შეგახსენებთ, რომ დიეგო გასულ სეზონში არენდის წესით მადრიდის „ატლეტიკოში" გამოდიოდა. მის ანგარიშზე პრიმერადივიზიონში 13 მატჩი, ჩემპიონთა ლიგაზე - 4 და ესპანეთის ჩემპიონატის ტიტულია.