12 აგვისტოს, ამხანაგური მატჩის ეგიდით, „ჩელსი" და „რეალ სოსიედადი" საკონტროლო შეხვედრას გამართავენ. ამის შესახებ ლონდონური კლუბის ოფიციალური ვებგვერდი იუწყება. დაპირისპირება „სტემფორდ ბრიჯზე" გაიმართება.

„ჩელსისთვის" ეს მატჩი უკანასკნელი იქნება მომავალი სეზონის სამზადისში. ხუთი დღის შემდეგ, „ბერნლისთან" დაპირისპირებაში მოურინიოს გუნდი პრემიერ ლიგის ახალ სეზონში აიღებს სტარტს.

წყაროს ცნობით, „ჩელსისთვის" ეს ამხანაგური საშინაო შეხვედრა პირველი იქნება 2006 წლიდან მოყოლებული. სწორედ მაშინ მიიღეს „არისტოკრატებმა" „სელტიკი" საკუთარ კედლებში და შოტლანდიელებთან ფრეზე გაიყარნენ - 1:1.