არგენტინის ეროვნული ნაკრების თავკაცმა ალეხანდრო საბელიამ, ბრაზილიის 2014 წლის მსოფლიო ჩემპიონატის ფინალში, გერმანელებთან მარცხის შემდეგ (0:1), კომენტარი გააკეთა.

„ვწუხვარ, რომ ტურნირი ვერ მოვიგეთ, მაგრამ ვამაყობ გუნდით, რომელმაც კარგი მატჩი ჩაატარა.

ვულოცავ იმ ფეხბურთელებს, რომლებმაც ყველაფერი გააკეთეს ამ მსოფლიო ჩემპიონატზე იმისთვის, რომ მთელ ქვეყანას ეამაყა მათით. ვფიქრობ, რომ ხალხი ამას მიხვდება. შედეგი ყოველთვის მეორეხარისხოვანია. დღეს გუნდი გაიზარდა და კარგი თამაში აჩვენა დიადი ნაკრების წინააღმდეგ.

დღეს ჩვენ დამატებით დროში წავაგეთ, მაგრამ ჩვენი შანსები გვქონდა", - განაცხადა საბელიამ, რომელიც არგენტინის ნაკრებს ტოვებს.