გერმანული ფეხბურთის ლეგენდარულმა მოთამაშე და მწვრთნელმა ფრანც ბეკენბაუერმა გერმანიის ნაკრები შეაფასა და კოლექტიური თამაშის ინდივიდუალურ ოსტატობაზე უპირატესობაზე ისაუბრა.
„იოახიმ ლიოვმა ყველაფერი აბსოლუტურად სწორად გააკეთა. გერმანული გუნდი ჩემპიონობის ღირსი იყო, რადგან იგი ტურნირზე საუკეთესო იყო. ისინი ჩვენი ქვეყნის საუკეთესო წარმომადგენლები იყვნენ და აქედან გამომდინარე, მიაღწიეს წარმატებას, როგორც გუნდმა. ჩვენ არ გვყავს მესი ან რონალდუ, ან ნებისმიერი სხვა აბსოლუტური სუპერვარსკვლავი. ჩვენ სუპერვარსკვლავური გუნდი გვყავს. გერმანული გუნდის დამარცხება ძალიან რთული იქნება და ალბათ არ შევცდები, თუ ვიტყვი, რომ ისინი დაუმარცხებლები იქნებიან, როგორც მინიმუმ, კიდევ რამდენიმე წელიწადი", - განაცხადა ბეკენბაუერმა.
შეგახსენებთ, რომ გერმანიის ნაკრებმა მსოფლიო ჩემპიონობა 113-ე წუთზე, მარიო გიოტცეს გოლის წყალობით მოიპოვა.
