„იუვენტუსის" მთავარი მწვრთნელი ანტონიო კონტე, ყველასათვის მოულოდნელად, მწვრთნელის თანამდებობიდან გადადგა. იტალიური პრესა ვარაუდობს, რომ ეს გადაწყვეტილება ტურინელთა მთავარმა მწვრთნელმა სატრანსფერო კამპანიის გამო მიიღო. შეგახსენებთ, რომ „ბებერი ქალბატონი" შესაძლოა არტურო ვიდალსა და პოლ პოგბას გამოემშვიდობოს. ამ ფაქტთან დაკავშირებით კომენტარი გააკეთა ჯანლუიჯი ბუფონიმ.
„ჩვენთვის ეს დიდი დანაკლისია, მაგრამ იმას ვერ ვიტყვით, რომ ნულოვან წერტილში აღმოვჩნდით. „იუვენტუსი" არაჩვეულებრივ მწვრთნელს კარგავს, თუმცა კარგი მოთამაშეები დაგვრჩა და ამაყად ვიხედებით წინ. გუნდი შეკრულია და მზადაა თავისი დონე კონტეს გარეშეც წარმოადგინოს.
არ ვიცი, რატომ წავიდა ანტონიო, მაგრამ ეს ნამდვილად არ უკავშირდება სატრანსფერო საკითხებს. ალბათ, სხვა მიზეზი იყო", - განაცხადა ჯანლუიჯი ბუფონმა.
