„მანჩესტერ იუნაიტედის" ახალი თავკაცი ლუი ვან გაალი უახლოეს პერიოდში გადაწყვეტს კლუბის რამდენიმე ფეხბურთელის ბედს.
ჰოლანდიელი მწვრთნელი ისეთი ფეხბურთელების სათამაშო ფორმის შეფასებას აპირებს, როგორებიცაა კრის სმოლინგი, ტომ კლევერლი, ხავიერ ერნანდესი, კაგავა, დარენ ფლეტჩერი და ეშლი იანგი, რის შემდეგაც, მიიღებს გადაწყვეტილებას მათ მომავალთან დაკავშირებით. ზემოთ ჩამოთვლილთაგან, ყველას მალე ეწურება კონტრაქტი კლუბთან, ამიტომაც, ვან გაალს მოუწევს გადაწყვიტოს, თუ რა ურთიერთობა ექნება მათთან მომავალში. ამ სიტუაციაში გამონაკლისია ანტონიო ვალენსია, რომელთანაც კონტრაქტი უკვე გახანგრძლივდა. როგორც ჩანს, ჰოლანდიელი სერიოზულ იმედებს ამყარებს ეკვადორელზე.
ვან გაალი სამუშაოს ახალი სეზონის დაწყებამდე სულ რაღაც 4 კვირით ადრე იბარებს, ამიტომაც, ფიქრისთვის დიდი დრო არ რჩება. მანჩესტერული კლუბი აშშ-ში გაემგზავრება, სადაც ტრადიციულ საზაფხულო ტურნირში მიიღებს მონაწილეობას. გავრცელებული ინფორმაციით, 6-ეულის ბედს ვან გაალი სწორედ ამერიკაში გადაწყვეტს.
