ბრაზილიელებს ეროვნული ნაკრების თავკაცად „კორინთიანსის" ყოფილი მთავარი მწვრთნელის ხილვა სურთ. ამაზე, 15-16 ივლისს, ბრაზილიის 233 მუნიციპალიტეტში Datafolha-ს მიერ ჩატარებული სოციოლოგიური გამოკითხვა მეტყველებს.

5377 გამოკითხულიდან 24%-მა განაცხადა, რომ ნაკრები ტიტემ უნდა ჩაიბაროს. მეორე ადგილზე ზიკო გავიდა, რომელსაც გამოკითხულთა 19%-მა დაუჭირა მხარი, მესამეზე კი - „სან-პაულუს" მთავარი მწვრთნელი მურის რამალიო (14%).

ტიტეს უკანასკნელი სამუშაო ადგილი „კორინთიანსი" იყო, რომელთანაც სპეციალისტმა ბრაზილიის ჩემპიონატი, ლიბერტადორესის თასი (პირველად კლუბის ისტორიაში), მსოფლიოს საკლუბო ჩემპიონატი, რეკოპუ სუდამერიკანა და შან-პაულუს შტატის ჩემპიონატი მოიგო.