ბრაზილიის 2014 წლის მსოფლიო ჩემპიონატის ფინალში, გერმანიისა და არგენტინის ეროვნულ ნაკრებებს შორის შეხვედრის პირველ ტაიმში, კრისტოფ კრამერი ეზეკილ გარაის შეეჯახა, როს გამოც გონება დაკარგა და 32-ე წუთზე, მისი შეცვლა შიურლეს მოუწია.

მატჩის შემდეგ, თავად კრამერის თქმით, მას შეხვედრის პირველი ნახევარი საერთოდ არ ახსოვს და მისთვის მატჩი მეორე ტაიმიდან დაიწყო.

ამ საკითხთან დაკავშირებით კომენტარი ფინალური მატჩის მთავარმა არბიტრმა ნიკოლა რიცოლიმ გააკეთა.

„როცა კრამერი ფეხზე წამოდგა, ჩემთან მოვიდა და მკითხა: ეს მსოფლიო ჩემპიონატის ფინალია?

ამის შემდეგ, შვაინშტაიგერთან მივედი და ვუთხარი, რომ კრამერი უნდა შეეცვალათ. შეხვედრის შემდეგ კრამერმა მადლობა გადამიხადა", - აცხადებს რიცოლი.