შვეიცარიის ქალაქ ნიონში, „უეფას" ევროპა ლიგის მესამე საკვალიფიკაციო ეტაპის კენჭისყრა ჩატარდა. გაირკვა იმ გუნდების ვინაობები, რომლებსაც „ზესტაფონი"  და „ჩიხურა" შემდეგ ეტაპზე გასვლის შემთხვევაში დაუპირისპირდებიან.

გეგუჩაძის შეგირდებმა გუშინ, საკუთარ კედლებში ტრნავას „სპარტაკს" უმასპინძლეს და ნულოვან ფრეს დასჯერდნენ. წყვილში გასვლის შემთხვევაში, ზემოიმერლები შვეიცარიულ „ლუცერნსა" და შოტლანდიურ „სტ.ჯონსონს" შორის გამარჯვებულს დაუპირისპირდებიან.

რაც შეეხება „ჩიხურას", რომელმაც გუშინ, გასვლით შეხვედრაში ნულოვანი ფრე ითამაშა „ბურსასპორთან", შემდეგ ეტაპზე გასვლის შემთხვევაში, ბაქოს „ნეფთჩისა" და სლოვენიურ „კოპერს" შორის დუელში გამარჯვებულს დაუპირისპირდება.

შემდეგ ეტაპზე გასულთა ვინაობა ერთი კვირის შემდეგ, 24 ივლისს გაირკვევა.