საქართველოს მუნიციპალური განვითარების ფონდმა ევროპის რეკონსტრუქციისა და განვითარების ბანკის დაფინანსებით ბაღდათის წყალმომარაგების სისტემის სარეაბილიტაციო სამუშოები დაასრულა. ადგილობრივი მუნიციპალიტეტის ცნობით, პროექტის საერთო ღირებულება 670,088.79 ლარია. სამუშაოებს ქართული კომპანია შპს ,,ბელდ ინვესტი" ახორციელებდა. დასაქმებული იყო 80 ადამიანი, აქედან 70% ადგილობრივი მოსახლე. პროექტის განხორციელებამდე წვიმის დროს წყალსადენი ქსელი ბინძურდებოდა და ბაღდადის მოსახლეობას სასმელად უვარგისი წყალი მიეწოდებოდა, დასრულების შემდეგ კი ბაღდათის მოსახლეობის დიდი ნაწილი და მიმდებარე 5 სოფელი - წაბლარახევი, დაფენიკი, ნერგეთი, დიმი და ფერნასის მოსახლეობა სუფთა და დაქლორილ სასმელ წყალს მიიღებს. რეაბილიტაციის შედეგად მოსახლეობას 20 საათიანი წყალმომარაგება ექნება. სარეაბილიტაციო სამუშოები 2012 წლის ივნისს დაიწყო და მიმდინარე წელს დასრულდა.