მოჭიდავეების პროტესტი ლუკა კურტანიძის იმ გადაწყვეტილებას უკავშირდება, რომლის მიხედვით, სამწვრთნელო შტაბში საკადრო ცვლილებებია მოსალოდნელი. სპორტსმენები ფედერაციის პრეზიდენტთან შეხვედრას ითხოვენ და მიიჩნევენ, რომ კურტანიძე დაკავებული თანამდებობიდან უნდა გადადგეს.
ლუკა კურტანიძემ მსოფლიო ჩემპიონატზე წარუმატებელი ასპარეზობის გამო დაკავებული თანამდებობიდან გაათავისუფლა როგორც ბერძნულ-რომაული, ასევე თავისუფალი სტილის მოჭიდავეთა ნაკრებების მწვრთნელები.
„ეს პიროვნება არ არის საპრეზიდენტო და არ არის ჩვენი მეთაური, რომ გაუძღვეს ჩვენს სტილს. ორგანიზების ნიჭი არ გააჩნია, ბიჭებთან ურთიერთობა არ გააჩნია. ვერ უთავსებს თავის მოვალეობებს. ჩემი პირადი აზრი არის, რომ პრეზიდენტობიდან უნდა გადადგეს. უნდა მოინახოს ადამიანი, რომელსაც ეყვარება ბერძნულ-რომაული ჭიდაობა და თავისუფალი სტილი", - აცხადებს რამაზ ნოზაძე.
